DIE VOËL HET DIE NES VERLAAT…

POSDUIF, die nuwe Afrikaanse musiekgroep wat die ritme van die industrie gaan verander, maak in 2018 hul buiging tot die Suid-Afrikaanse musiekindustrie met die bekendsteling van hul eerste enkelsnit, Brandy Special. Die groep bestaan uit lede van die immer gewilde groep, RUBBER DUC.

RUBBER DUC stel in Maart 2014 hul eerste enkelsnit bekend en is sedertdien van die gunstelinge wat landswyd op radiostasies gespeel word. Nick Jordaan, Amiel Gopal, Sheldon Sham, Leeroy Sauls en Brendan Campbell wen reeds die land se harte met RUBBER DUC, maar daar wag ‘n groot verrassing op Suid-Afrika wanneer James Boland, die hoofsanger van Posduif, met hierdie groep bande smee.

ELKE VOËL SING SOOS HY GEBEK IS…

POSDUIF voeg ‘n nuwe klank tot die Afrikaanse musiekindustrie by. Dit is vars, energiek, positief en iets waarmee almal sal kan vereenselwig. Posduif is a-polities, maar ondersteun positiewe gebeure in die land en vier goeie nuus en die goeie tye waarvoor Suid-Afrikaners geken word. Almal van jonk tot oud, Afrikaans of Engels, van Musina tot Malmesburgy, ‘n gehoor wat ‘n oor het vir goeie lirieke maar ook waardering vir goeie melodieë het. Hierdie gehoor werk hard, speel hard en bou met trots saam aan ‘n suksesvolle toekoms vir Suid-Afrika, en Posduif is die stem.

“Daar is soveel mooi aan ons land."

Ons is lief vir Suid-Afrika en lief vir sy mense,”

Kontak Ons